Паліттэхнолаг: Расейскае ГРУ разглядала сцэнар фізічнай ліквідацыі Лукашэнкі

• 1.06.2025, 21:16

Пуцін не паважае беларускага дыктатара.

Беларусь ператварылася ў дэкарацыю, а Лукашэнка – у чалавека, якога Пуцін прыніжае і выкарыстоўвае. Але гэта яшчэ не фінал, упэўнены паліттэхнолаг і публіцыст Расціслаў Мурзагулаў. У каментары «Белсату» ён расказаў пра змену стаўлення Крамля да Менску, магчымыя ўнутраныя расколы і тое, чаму Пуціну варта баяцца помсты з беларускіх кабінетаў.

ГРУ разглядала варыянт забойства Лукашэнкі

Цягам апошніх тыдняў Уладзімір Пуцін не раз публічна абразіў Аляксандра Лукашэнку: то саджаў далей ад сябе на парадзе 9 траўня, то жартаваў пра «бульбу», выклікаючы не толькі іранічныя каментары, але і істэрыю ў беларускай прапаганды. «Белсат» запытаўся ў Расціслава Мурзагулава, ці не сведчыць такія паводзіны аб змене палітыкі Пуціна ў дачыненні да Лукашэнкі.

«Лукашэнка для Пуціна - гэта наогул чаляднік, такі «прынясі-падай, адыдзі, не перашкаджай». Гэта чалавек, якога Пуцін не паважае, не разглядае сабе роўным. І нягледзячы на тое, што Лукашэнка спачатку спрабаваў сябе паводзіць як кіраўнік незалежнай дзяржавы, але за ўсе апошнія гады Пуцін шмат разоў яго перажыў, прыціснуў, прымусіў танцаваць пад сваю дудку – менавіта так, як ён хоча», – адзначае Мурзагулаў.

На думку суразмоўцы, калі Лукашэнка не хоча прыязджаць кудысьці на патрабаванне Пуціна, то яму могуць паступаць пагрозы.

Паводле інфармацыі Мурзагулава, раней былі нават сцэнары ад ГРУ, якія разглядалі фізічнае знішчэнне Лукашэнкі з падвешваннем адказнасці за гэта на ўкраінскія спецслужбы.

«Напраўду былі паведамленні, я іх бачыў, што калісьці гэрэушнікі прапрацоўвалі на ўсялякі выпадак магчымасць фізічнай ліквідацыі Лукашэнкі, і, значыць, [былі] яшчэ і спробы павесіць гэта на ўкраінскія спецслужбы. Гэта значыць наймалі нейкіх людзей, этнічных украінцаў, або ў Польшчы ўсё гэта рыхтавалі. Цікавыя былі там варыянты», - кажа Мурзагулаў.

Суразмоўца мяркуе, што Лукашэнка зрабіў тую памылку, на якую яго вымусіў пайсці Пуцін. Кіраўнік Крамля пачынае таптацца без усялякага сораму па тым чалавеку, які цалкам пад яго падладжваецца. І цяпер ён паводзіць сябе з Лукашэнкам агідна: выказвае гэтыя недарэчныя «дзедаўскія» жарты ў стылі КДБ, маральна знішчаючы і цалкам яго прыгнятаючы. Пуцін, мабыць, уважае такі метад за эфектыўны, але гэта, на думку Мурзагулава, не зусім так.