Зяленскі зрабіў новую заяву аб Курскай аперацыі УСУ

• 31.05.2025, 21:55

Прэзідэнт Украіны канстатаваў, што сітуацыя на фронце застаецца няпростай.

Курская аперацыя УСУ ўтрымлівае значную колькасць расейскіх войскаў ад актыўных наступаў на фронце ва Украіне. Аб гэтым сказаў у вячэрнім звароце ўкраінскі прэзідэнт Уладзімір Зяленскі.

- Сітуацыя на фронце застаецца няпростай. На некаторых кірунках мы фіксуем павялічаную расейскую актыўнасць. Найбольш сур'ёзныя баі ідуць на Пакроўскім, Ліманскім і Купянскім напрамках, - дэталізаваў украінскі прэзідэнт.

Ён дадаў, што УСУ працягваюць аперацыю ў Курскай вобласці РФ, якая ўтрымлівае значную колькасць расейскіх войскаў ад актыўнасці на тэрыторыі Украіны.

- Вайна павінна выходзіць на тэрыторыю Расеі - туды, адкуль яна прыйшла, - перакананы прэзідэнт Украіны.