На захадзе Нямеччыны лёгкаматорны самалёт упаў на жылы дом

• 31.05.2025, 16:35

Папярэдні чыннік - непаладкі з рухавіком.

Лёгкаматорны самалёт упаў у суботу, 31 траўня, на жылы дом на захадзе Нямеччыны. Два чалавекі загінулі, паведамляе «Нямецкая хваля».

Трагедыя адбылася неўзабаве пасля поўдня ў мястэчку Коршэнброх на захад ад Дзюсельдорфа. Са слоў праваахоўнікаў, адна з загінулых - лётчыца, якая кіравала самалётам.

Паводле звестак газеты Bild, незадоўга да падзення пілот папярэдзіла дыспетчараў аб непаладках з рухавіком і запытала аварыйную пасадку на найбліжэйшым аэрадроме.

Другая катастрофа за тры месяцы

Як піша газета Rheinische Post, у сакавіку ў той жа федэральнай зямлі Паўночны Рэйн – Вестфалія адбылася падобная трагедыя.