Z-блогер распавёў праўду аб стратах РФ і заклікаў спыніць вайну

• 31.05.2025, 14:25

Пуцін пацярпеў стратэгічную паразу.

Z-блогер Максім Калашнікаў з'ездзіў у прыфрантавую зону, дзе паразмаўляў з расейскімі вайскоўцамі. Пасля вяртання ён прыйшоў да высновы, што вайну трэба тэрмінова скончыць.

Кадры даступныя на Telegram-канале «Украіна 365».

Калашнікаў запісаў інтэрв'ю са старэйшым афіцэрам УС РФ, які знаходзіцца на фронце ў Курскай вобласці. Акупант заявіў, што вайну трэба скончыць ужо зараз, бо ўкраінцы выявіліся занадта ўстойлівымі і не збіраюцца здавацца.

«(Я б - рэд.) спыніў вайну ўвогуле… На жаль, гэтая вайна не мае канца. Пакуль мы тупа адзін аднаго не заб'ём. Яны ж такія ж, як і мы. Яны ж не здадуцца…Я б проста сказаў: «Усё, стой», - заявіў расейскі вайсковец.

Калашнікаў з ім пагадзіўся. Ён канстатаваў правал так званай «СВА», няздольнасць расейскага войска дабіцца пералому на лініі фронту.

«Нам трэба альбо рэзка пераломваць ход вайны, альбо спыняць гэтую бессэнсоўную бойню… Там столькі целаў зараз! «Вызваленчы паход» у такім выглядзе пазбаўлены сэнсу. Тыя, каго мы хочам «вызваліць», нас будуць ненавідзець! І так ужо наламалі дроў. Маё глыбокае перакананне - цяперашняя сістэма забяспечыць такога бліцкрыгу не можа. Працягваць гэтую бойню, калі стратэгічна ўжо нічога не зменіцца, нельга. Патрэбная перадышка», - заявіў Z-патрыёт.