«Лукашэнка падзе прыкладна на наступны дзень»
- 30.05.2025, 16:59
Нават расейцы не бачаць у ім моцнага ваеннага хаўрусніка.
Рэжым Лукашэнкі, галоўны хаўруснік Крамля, з самага пачатку ўварвання фактычна стаў саўдзельнікам агрэсіі - падаўшы тэрыторыю Беларусі для нападу на Украіну. Аднак пытанне пра непасрэдны ўдзел Менска ў вайне застаецца адкрытым.
Аб магчымасці такога развіцця падзей расказаў ваенны аналітык Sky News Майкл Кларк.
«Я заўсёды сцвярджаў, што калі Пуцін падзе, Лукашэнка падзе прыкладна на наступны дзень. Значыць, Беларусь з'яўляецца неад'емнай часткай працэсу, але ці адправіць яна сваё войска за мяжу? Верагодна і амаль напэўна, што не», - кажа ён.
Кларк лічыць беларускія Узброеныя сілы малаэфектыўнымі. Хоць афіцыйная колькасць складае блізу 50 тысяч вайскоўцаў, сапраўды баяздольнымі з'яўляюцца не больш за 15 тысяч, і тое з нізкім узроўнем падрыхтоўкі і слабым абсталяваннем.
На думку эксперта, Беларусь наўрад ці зможа істотна змяніць сітуацыю на фронце - нават расейцы не бачаць у ёй моцнага ваеннага партнёра. Асноўная роля, верагодна, будзе зводзіцца да падавання тэрыторыі для манеўраў.
Сітуацыя на мяжы з Беларуссю
У канцы красавіка прэзідэнт Украіны Уладзімір Зяленскі заявіў, што Расея можа рыхтаваць новы наступ з тэрыторыі Беларусі ўжо гэтым летам, прыкрываючыся вайсковымі вучэннямі. Ён адзначыў, што пад маркай вучэнняў Масква ўжо неаднаразова пачынала свае атакі. Патэнцыйны напрамак удару пакуль застаецца невядомым - пад пагрозай могуць быць як Украіна, так і краіны НАТА, напрыклад, Літва ці Польшча.
Ваенны аналітык Дзмітрый Снегіроў у каментары для "Фокусу" адзначыў, што Расея рыхтуе маштабныя вучэнні "Захад-2025" у Беларусі.Гэта можа сведчыць пра падрыхтоўку да пашырэння баявых дзеянняў на паўночным напрамку, у прыватнасці ў бок Чарнігаўшчыны, а таксама пра ціск на Украіну і Еўропу праз магчымасць стварэння сухапутнага калідора. Магчымасць уварвання з Беларусі залежыць ад пазіцыі Кітая, які не зацікаўлены ў эскалацыі, а асноўныя намаганні РФ сканцэнтраваны на Данбасе. Правакацыі на поўначы могуць быць адцягваючым манеўрам, тады як санкцыі і складаная сітуацыя ў Расеі вымушаюць Крэмль шукаць хуткіх вынікаў, паколькі доўгая вайна для яго вельмі затратная.
Нядаўна РФ аднавіла выкарыстанне паветранай прасторы Беларусі для выведкі з мэтай падрыхтоўкі ўдараў крылатымі ракетамі па Украіне. У аўторак, 27 траўня, СМІ паведамілі, што ў Беларусі заўважылі савецкі вайсковы самалёт комплекснай выведкі Іл-20 ВКС, які,магчыма, вядзе выведку радыёлакацыйных станцый СПА ў заходніх абласцях Украіны.
Аналітык падкрэслівае, што Беларусь не валодае вайсковым патэнцыялам, які можа істотна паўплываць на ход вайны на баку Расеі.