Макрон чакае, што ЗША ўвядуць санкцыі супраць Расеі

• 30.05.2025, 14:45

Пуцін не гатовы да міру.

Прэзідэнт Францыі Эмануэль Макрон заклікаў ЗША ўвесці санкцыі супраць краіны-агрэсаркі Расеі, калі яна «пацвердзіць», што «не гатовая да міру».

Пра гэта паведамляе BFMTV.

У адказе на пытанне аб украінскім пытанні, а дакладней аб другім раундзе перамоў аб спыненні вайны паміж Украінай і Расеяй Макрон заклікаў Расею і Злучаныя Штаты ўзяць на сябе адказнасць.

Калі Расея «пацвердзіць», што «не гатовая да міру», Вашынгтон павінен пацвердзіць сваю «адданасць» санкцыям супраць Масквы, заявіў прэзідэнт Францыі. Ён падкрэсліў, што «гэта выпрабаванне на давер для амерыканцаў».

«Я размаўляў 48 гадзін таму з прэзідэнтам Трампам, які выказаў сваю нецярплівасць. Пытанне зараз: што нам з гэтым рабіць? Мы (еўрапейцы - рэд) гатовыя», - дадаў ён.

Што датычыцца еўрапейскай пазіцыі пасля заканчэння замірэння, прэзідэнт Францыі пацвердзіў давер да еўрапейцаў.

«Яны паслядоўныя і надзейныя. Мы не змяніліся, мы ўсё яшчэ верым у міжнародны парадак, у супрацоўніцтва, у адкрыты гандаль і ў выкананне правілаў», - таксама заявіў ён.