Выбары ў Польшчы: з'явіліся вынікі апошняга апытання
- 30.05.2025, 11:21
Хто стане прэзідэнтам краіны?
Кандыдат у прэзідэнты Польшчы ад «Права і справядлівасці» Караль Наўроцкі лідаруе ў апошнім апытанні перад другім турам выбараў.
Аб гэтым сведчаць вынікі прэзідэнцкага апытання, праведзенага Нацыянальнай даследчай групай для Wirtualnej Polski.
Наўроцкі набірае 50,63% галасоў. За кандыдата ад «Грамадзянскай кааліцыі» Рафала Тшаскоўскага хочуць прагаласаваць 49,37% апытаных.
Сацыёлагі прыйшлі да высновы, што лёс выбараў вызначаць амаль 250 тысяч галасоў палякаў.
Нагадаем, 1 чэрвеня адбудзецца другі тур прэзідэнцкіх выбараў у Польшчы.