На МКАД падчас руху загарэўся аўтамабіль

• 29.05.2025, 19:01

Яго патушыў кіроўца палівальнай машыны.

Днём 29 траўня на 9-м кіламетры знешняга кола МКАД адбылося загаранне легкавога аўтамабіля Ford, паведамілі ў ДАІ Мінска.

Паводле папярэдніх звестак, прычынай стаў раптоўны тэхнічны збой, які прывёў да самазагарання проста падчас руху. 48-гадовы кіроўца аператыўна пакінуў аўто і не пацярпеў.

У МНС расказалі, што першым на дапамогу прыйшоў кіроўца палівальнай машыны, які рухаўся ў спадарожным кірунку. Убачыўшы аўтамабіль у агні, ён неадкладна прыступіў да тушэння загарання з дапамогай усталяванага на спецтэхніцы абсталявання. Пажар быў ліквідаваны да прыезду ратавальнікаў.

У ДАІ дадалі, што легкавік меў допуск да ўдзелу ў дарожным руху.