Войцэх Шчэнсны канчаткова прыняў пастанову аб будучыні ў «Барселоне»

• 28.05.2025, 16:08

У найбліжэйшыя дні чакаецца заканчэнне ўсіх фармальнасцяў.

Польскі галкіпер Войцэх Шчэнсны далучыўся да гішпанскай «Барселоны» ў кастрычніку 2024 года ў сувязі з цяжкай траўмай асноўнага брамніка каманды Марка-Андрэ тэр Штэгена. Першапачаткова яго кантракт быў разлічаны да канца таго сезона.

З самага пачатку многія меркавалі, што Шчэнсны будзе выконваць ролю запаснога брамніка, аднак ён не толькі здолеў здабыць давер трэнера Ганса-Дзітэра Фліка, але і замацаваўся ў асноўным складзе каталонскага клуба.

Як паведамляе meczyki са спасылкай на журналіста Пятра Казмінскі, Шчэнсны ўжо прыняў пастанову застацца ў табары «сіне-гранатавых». Паводле інфармацыі, паляк гатовы падпісаць новы двухгадовы кантракт з «Барселонай». У найбліжэйшыя дні чакаецца заканчэнне ўсіх фармальнасцей па афармленні пагаднення.