У Беларусі пройдзе тыдзень бясплатных экскурсій, квэстаў і дэгустацый

• 28.05.2025, 10:49

У мерапрыемстве возьмуць удзел больш за 1 400 аб'ектаў турыстычнай сферы.

У Беларусі з 2 да 8 чэрвеня пройдзе акцыя «Вандруй. Адчуй. Натхняйся», паведамілі ў Нацыянальным агенцтве турызму.

Сёлета ў летнім мерапрыемстве возьмуць удзел больш за 1 400 аб'ектаў турыстычнай сферы ва ўсіх рэгіёнах краіны – ад аграэкасядзіб, музеяў і заводаў да санаторыяў і прыродных заказнікаў.

Гасцям прапануюць:

* бясплатныя экскурсіі і квэсты

* дні адчыненых дзвярэй і майстар-класы

* дэгустацыі нацыянальных страў

* спецыяльныя прапановы ад тураператараў.