Мерц растлумачыў, калі і чаму Украіне далі дазвол біць углыб РФ

• 27.05.2025, 21:23

Абмежаванні на дальнабойнасць знялі Вялікая Брытанія, Францыя, Нямеччына і ЗША.

Вялікая Брытанія, Францыя, Нямеччына і ЗША знялі абмежаванні на дальнабойнасць зброі, якая пастаўляецца Украіне, яшчэ некалькі месяцаў таму. Пра гэта 27 траўня заявіў канцлер ФРГ Фрыдрых Мерц, якога цытуе Die Zeit.

Падчас свайго візіту ў Фінляндыю ён растлумачыў, што пастанова, пра якую абвясціў напярэдадні, была прынятая раней.

Паводле ягоных словаў, у Берліне ён «апісаў тое, што адбываецца ўжо некалькі месяцаў».

Мерц таксама адзначыў, што Украіна павінна мець права ўжываць зброю супраць ваенных цэляў у Расеі.