Рэжым Лукашэнкі «адказаў» на санкцыі ЕЗ

• 27.05.2025, 19:14

Лукашыстам давялося зняць забарону на ўвоз у краіну капусты, яблыкаў і бульбы праз дэфіцыт.

Беларусь зняла забарону на ўвоз і рэалізацыю ў краіне бульбы цыбулі, капусты, яблыкаў, якія паходзяць з непрыязных краін, уключаючы ўсе дзяржавы-чальцы ЕЗ. Ва ўрадзе гэта назвалі «адказам на чарговыя санкцыі ЕЗ».

«Еўрапейскі парламент 22 траўня 2025 года ўхваліў праект пастановы аб увядзенні падвышаных мытаў на ўвоз у ЕЗ сельскагаспадарчай прадукцыі з нашай краіны. У адказ урад зняў забарону на ўвоз і рэалізацыю на тэрыторыі Рэспублікі Беларусь бульбы, цыбулі, капусты свежай белакачаннай, яблыкаў, якія паходзяць з непрызнях краін, уключаючы ўсе дзяржавы-чальцы ЕЗ», — паведамілі ў прэс-службе ўрада.

Адпаведную пастанову 27 траўня падпісаў прэм'ер-міністр Аляксандр Турчын.