У Беларусь прыляцелі расейскія знішчальнікі Су-30СМ2

• 27.05.2025, 18:45

Для атак Украіны?

На адзін з аэрадромаў ВПС і войскаў СПА Беларусі прыбыла партыя шматфункцыянальных самалётаў Су-30СМ2, паведамілі ў Мінабароны.

Пастаўка ажыццёўлена ў рамках плана будаўніцтва і развіцця Узброеных Сіл РБ, а таксама ваенна-тэхнічнага супрацоўніцтва з Расеяй.

«Мы паслядоўна праводзім мадэрнізацыю і абнаўленне парку ўзбраення, вайсковай і спецыяльнай тэхнікі. Сёння да нас паступілі найноўшыя звышманеўраныя знішчальнікі Су-30СМ2», – распавёў камандзір ВПС і войскамі СПА генерал-маёр Андрэй Лук'яновіч.

Паводле яго, у гэтай авіяцыйнай тэхніцы шмат навін. Пашыраныя магчымасці баявога выкарыстання: самалёт эфектыўны супраць паветраных, наземных і марскіх цэляў.

Ужо на наступным тыдні гэтыя знішчальнікі змогуць прыступіць да выканання сваёй асноўнай задачы-нясення баявога дзяжурства па супрацьпаветранай абароне.

Акрамя таго, лётны склад пачне планавыя трэніроўкі на новых машынах.