У Беларусі забаранілі расейскую «магію Усходу»

• 27.05.2025, 10:25

У заправе з РФ выявілі бактэрыі кішачнай палачкі.

Спецыі для нявострай карэйскай морквы гандлёвай маркі «Магія Усходу» апынулася ў спісе небяспечнай прадукцыі. Дзяржстандарт забараніў прадаваць яе ў Беларусі з 22 траўня, яна таксама павінна быць канфіскаваная з абарачэння.

Заправу вырабляе маскоўскае ТАА ПК «АРЫКОН-ПРА».

Прадукцыя не прайшла праверку на бяспеку: у ёй выявілі бактэрыі групы кішачнай палачкі (каліформы) і сульфітрэдуцыйныя кластрыдыямы.