Сілавікі зладзілі аблаву на папулярным рынку Менска

• 25.05.2025, 20:47

Гаворка ідзе пра цэнтр "Экспабел".

Праваахоўныя органы наляцелі на адзін з самых папулярных рынкаў Менска і сталічнага раёна.

Гаворка ідзе аб цэнтры "Экспабел".

Рэйд праводзілі супрацоўнікі ўправы грамадзянства і міграцыі УУС Мінаблвыканкама супольна з Менскім РУУС.

Праверкі тычыліся легальнай працы замежнікаў.

Глядзелі дакументы ў 18 суб'ектаў гандлю і 48 працоўных мігрантаў.

Парушэнняў было шмат. Сем замежнікаў і два працадаўцы не выконвалі заканадаўства.

«Накладзеныя адміністрацыйныя спагнанні ў выглядзе штрафу. З правапарушальнікамі праведзены прафілактычныя гутаркі», - гаворыцца ў прэс-рэлізе УУС Менаблвыканкама.