Над Сонцам заўважылі аб'ект большы за Зямлю, падобны да птушку

• 25.05.2025, 19:03

Фотафакт.

Навукоўцы зрабілі здымак з космасу з выявай аб'екта, падобнага да птушкі, памеры якога больш як у 10 разоў пераўзыходзяць памер Зямлі, паведамляе прэс-служба Лабараторыі сонечнай астраноміі ІКІ РАН.

Здымак быў зроблены з тэлескопаў LASCO 24 траўня а 10:00 паводле сусветнага часу (UTC) ці а 14:00 паводле Менску.

«На выяве як быццам бы выразна бачная «птушка» або «лятальны апарат» з «палымяным следам», які цягнецца за ім. Памер крыла «птушкі» амаль 150 тысяч км», - гаворыцца ў паведамленні.

Адлегласць ад Сонца да загадкавага аб'екта складае амаль 2 млн км, а яго памер «больш як у 10 разоў пераўзыходзіць памер Зямлі». Навукоўцы таксама прапанавалі абмеркаваць і з навуковага пункту гледжання падабраць тлумачэнні, што менавіта магло патрапіць на атрыманы здымак.

«У выглядзе выключэння дапускаюцца абсалютна ўсе версіі і любыя абмеркаванні, уключаючы іншапланетнікаў, плазменнае жыццё і тэорыі змовы», – жартам прапанавалі навукоўцы.