Борыс Джонсан дзявяты раз стаў бацькам
- 25.05.2025, 16:49
Жонка экс-прэм'ера Брытаніі паказала фота з нованароджанай дачкой і рассакрэціла яе імя.
Былы прэм'ер-міністр Вялікай Брытаніі Борыс Джонсан і яго жонка Кэры Джонсан падзяліліся радаснай навіной. Яны зноў сталі бацькамі. Гэта чацвёртае супольнае дзіця для пары.
На старонцы ў Instagram Кэры Джонсан падзялілася кранальнымі сямейнымі фота. У пары нарадзілася дачка, якую назвалі Попі Эліза Джазэфін Джонсан. Дзяўчынка з'явілася на свет 21 траўня ў адной з лякарняў Лондана. Мама з нованароджанай малечай ужо знаходзяцца дома.
«Сардэчна запрашаем да нас, Попі Эліза Джазэфін Джонсан, якая нарадзілася 21-га траўня. Не магу паверыць, якая ты прыгожая і малюсенькая. Адчуваю сябе неймаверна шчаслівай. Мы ўсе зусім зачараваныя. Не ўпэўненая, што я спала хоць хвіліну з моманту твайго нараджэння, бо не магу спыніцца глядзець на тое, якая ты абсалютна цудоўная. Уілф, Ромі і Фрэнк у поўным захапленні, асабліва Ромі, якая моцна хацела маленькую сястрычку. Апошні чалец банды. Жыццё ўжо не можа быць найлепшым», - напісала Кэры Джонсан, якая трымала цяжарнасць у таямніцы.
Другое імя Жазэфіна было абраная ў гонар маці Кэры. Борыс і Кэры Джонсан абвясцілі пра свае заручыны ў лютым 2020 года і 29 красавіка таго ж года ў іх нарадзілася першае дзіця, сын Уілфрэд. Борыс і Кэры Джонсан назвалі Уілфрэда ў гонар дзядулі палітыка. 9 снежня 2021 у Борыса і Кэры Джонсан нарадзілася дачка Ромі. У ліпені 2023 года муж і жонка абвясцілі аб нараджэнні трэцяга дзіцяці, сына Фрэнка.
У Борыса Джонсана таксама ёсць чацвёра дарослых дзяцей ад шлюбу з юрысткай Марынай Уілер і пазашлюбная дачка ад мастацтвазнаўцы Хэлен Макінтайр.