Расея нанесла рэкордны ўдар па Украіне

• 25.05.2025, 12:56

У атацы ўдзельнічалі 298 БПЛА.

У ноч на 25 траўня (з 21:40 24 траўня) расейскія войскі ажыццявілі камбінаваны ўдар па Украіне з ужываннем 367 сродкаў паветранага нападу. Пра гэта паведамілі ў Паветраных сілах Украіны.

РФ запусціла па Украіне:

дзевяць балістычных ракетаў «Іскандэр-М/KN-23» (раён пускаў – Курская вобл. – РФ);

55 крылатых ракетаў паветранага і марскога базавання Х-101, Калібр з самалётаў стратэгічнай авіяцыі Ту-95, ТУ-160 (раёны пускаў – Саратаўская вобл., Акваторыя Чорнага мора);

адну крылатую ракету Х-22 з самалёта Ту-22М3 з паветранай прасторы над акваторыяй Чорнага мора;

чатыры кіраваныя авіяцыйныя ракеты Х-59/69 з самалётаў тактычнай авіяцыі (пускі з паўночнага кірунку);

298 ударных БПЛА тыпу Shahed і беспілотнікі-імітатары розных тыпаў з кірункаў: Бранск, Мілерава, Курск, Арол, Прыморска-Ахтарск – РФ. Гэта найбольшая колькасць дронаў, якую ўжыла РФ супраць Украіны з лютага 2022 года.

Папярэдні антырэкорд быў зафіксаваны 18 траўня. Тады расейскія войскі атакавалі 273 ударнымі БПЛА.