У Магілёве патануў студэнт з Эфіопіі

• 25.05.2025, 10:07

Месца для купання, дзе адбыўся трагічны інцыдэнт, не абсталяванае для купання.

Увечары 24 траўня ў Магілёве паступіла паведамленне пра чалавека, які тоне ў рацэ Дняпро. На месца выехалі ратавальнікі з МНС і супрацоўнікі ТВВОД.

Паводле інфармацыі МНС, пазней высветлілася, што кампанія маладых людзей адпачывала на беразе. Адзін з іх, 21-гадовы студэнт з Эфіопіі, надумаў выкупацца. Праз некаторы час ён знік пад вадой.

Цела маладога чалавека было знойдзенае ратавальнікамі. Месца для купання, дзе адбыўся трагічны інцыдэнт, не абсталяванае для купання.

Паводле факту смерці праводзіцца праверка Магілёўскім міжраённым аддзелам Следчага камітэта.