Politico: Трамп сарваў таямніцу абмену палоннымі

• 24.05.2025, 19:33

Сотні людзей былі пад пагрозай праз дзеянні прэзідэнта ЗША.

Прэзідэнт ЗША Дональд Трамп наважыў першым публічна заявіць аб маштабным абмене палоннымі паміж Украінай і Расеяй, нягледзячы на строгую сакрэтнасць з боку Кіева. Хаця на момант публікацыі заявы абмен яшчэ не пачаўся, таму сотні людзей былі пад пагрозай праз дзеянне гаспадара Белага дома. Аб гэтым паведамляе выданне Politico.

СМІ нагадалі, што ў пятніцу Украіна і Расея пачалі найбуйнейшы з пачатку поўнамаштабнай вайны абмен ваеннапалоннымі - "1000 на 1000". Першы этап ахапіў 390 палонных і павінен быў прайсці ў строгай таямніцы. Але за некалькі гадзін да пачатку першага абмену Трамп апублікаваў на сваёй платформе Truth Social паведамленне: «Толькі што паміж Расеяй і Украінай быў завершаны вялікі абмен палоннымі. Ён набудзе моц у найбліжэйшы час. Віншуем абодва бакі з гэтымі перамовамі. Гэта можа прывесці да чагосьці вялікага???»

Аднак на той момант абмен яшчэ не пачаўся.

«Трамп хацеў першым паведаміць пра гэта. На шчасце, паспешны допіс Трампа не меў ніякага эфекту. Але мы звычайна не паведамляем пра бягучыя падзеі, таму што з расейцамі ніколі не можаш быць упэўнены. Нашы хлопцы былі занадта блізка да ворага», заявіў ананімны ўкраінскі чыноўнік, каментуючы дзеянні Трампа.

Украіна трымала інфармацыю ў сакрэце, баючыся за бяспеку 270 вайскоўцаў і 120 цывільных, якіх павінны былі абмяняць на мяжы з Беларуссю. Раптоўнае публічнае абвяшчэнне выклікала занепакоенасць у Кіеве праз рызыку зрыву аперацыі або патэнцыйнай атакі з боку Расеі, якая ў мінулым выкарыстоўвала падобныя магчымасці для маніпуляцый і дэзінфармацыі.

Аднак міністр абароны Украіны Рустэм Умераў падзякаваў Трампу за пасярэдніцтва, адзначыўшы, што яго ўдзел дапамог разблакаваць дыялог, якога не было тры гады.

Цяпер больш за 8000 украінцаў усё яшчэ застаюцца ў расейскіх турмах - і іх сем'і чакаюць, што наступная навіна аб вызваленні не стане палітычным допісам, а сапраўдным крокам да свабоды.