Украінскія памежнікі затрымалі групу мігрантаў, якія прарваліся з Беларусі

• 24.05.2025, 19:28

Нелегалы былі з Афганістана.

На Ровеншчыне затрымалі групу мігрантаў з Афганістана, якія незаконна перайшлі ўкраінска-беларускую мяжу, паведамілі ў Дзяржаўнай памежнай службе Украіны.

Васьмярых замежнікаў знайшлі і затрымалі супрацоўнікі 9-га памежнага атрада імя Сечавых стральцоў неўзабаве пасля таго, як яны парушылі дзяржаўную мяжу з боку Беларусі.

Як паведамілі ў Дзяржпагранслужбе, затрыманне стала магчымым дзякуючы аператыўнай інфармацыі, атрыманай ад Галоўнага аператыўна-вышуковага аддзела атрада. Памежнікі своечасова адрэагавалі і выявілі групу парушальнікаў. Адзін з мігрантаў паспрабаваў уцячы, аднак быў хутка затрыманы пратрулём.

Цяпер з замежнікамі праводзяцца неабходныя праверачныя мерапрыемствы, устанаўліваюцца ўсе акалічнасці незаконнага пераходу мяжы, а таксама асобы тых, хто мог садзейнічаць парушальнікам.