Сібіга: Украіна хоча бачыць Еўропу і Трампа на перамовах Зяленскага з Пуціным

• 23.05.2025, 21:51

Ідзе праца над сустрэчай паміж прэзідэнтам Украіны і кіраўніком РФ.

Украіна намагае на шырокім міжнародным фармаце магчымых перамоў паміж украінскім прэзідэнтам Уладзімірам Зяленскім і расейскім дыктатарам Пуціным.

Пра гэта заявіў міністр замежных спраў Украіны Андрэй Сібіга.

- Для працягу той сустрэчы, якая мела месца ў Турцыі, не могуць быць ніякія ўмовы, таму што там была дасягнутая выразная дамоўленасць, калі прыбраць усе гэтыя псеўдагістарычныя лекцыі, якія гучалі з боку расейскай дэлегацыі. А менавіта - першы абмен вайсковапалоннымі, і сёння ён пачаўся, - адзначыў кіраўнік МЗС.

Паводле ягоных слоў, Украіна чакае ад расейскага боку іх канцэпт прапановы наконт будучага безумоўнага замірэння.

Таксама ён дадаў, што цяпер ідзе праца над сустрэчай паміж прэзідэнтам Украіны і Пуціным.

- Мы дапускаем, што гэтая сустрэча можа быць у пашыраным фармаце. Мы б вельмі хацелі, каб да яе далучыўся прэзідэнт ЗША Дональд Трамп, і мы заўсёды выступаем паслядоўна і намагаем, што за сталом магчымых будучых перамоў абавязкова павінна быць Еўропа, - рэзюмаваў ён.