Кліентам буйнога банка на гэтым тыдні варта зняць гатоўку

• 23.05.2025, 21:08

Магчымыя збоі ў працы картак.

У «Беларусбанку» правядуць тэхналагічныя работы 26 траўня 2025 года з 8.00 да 23.59. На працягу гэтага дня магчымыя перабоі ў працы інтэрнэт-і мабільнага банкінгу, а таксама ў абслугоўванні банкаўскіх картак.

Збой можа закрануць як аперацыі онлайн, так і аплату картай у крамах і сэрвісных цэнтрах. Магчымыя перабоі ў працы банкаматаў і тэрміналаў самаабслугоўвання, а таксама пры выдачы гатоўкі у касах.

У банку параілі кліентам загадзя паклапаціцца пра гатоўку і па магчымасці спланаваць важныя фінансавыя аперацыі на іншыя дні.