Калекцыйная манета з Камеруна напалохала лукашыстаў

• 23.05.2025, 17:12

Яе дадалі ў спіс «экстрэмісцкіх» матэрыялаў.

У спіс «экстрэмісцкіх» матэрыялаў дадалі калекцыйную манету з Камеруна Snake Island Incident, якая прысвечаная абароне ўкраінскімі вайскоўцамі вострава Змяіны падчас поўнамаштабнага расейскага ўварвання.

Адпаведную пастанову прыняў суд Кастрычніцкага раёна Менска, звярнуў увагу праваабарончы цэнтр «Вясна».

Срэбная манета вагой 62,2 грама была выпушчаная тыражом 500 экзэмпляраў. Яна ўшаноўвае ўкраінскі супраціў расейскаму ўварванню.