Польшча ўзводзіць новы бар'ер на граніцы з Беларуссю

• 23.05.2025, 9:49

На гэты раз - па рацэ.

Польшча пачала ўзвядзенне электронных бар'ераў на водных адцінках сваіх рубяжоў.

Пра гэта паведаміў міністр унутраных спраў і адміністрацыі суседняй краіны Томаш Семоняк.

Загароду ўсталёўваюць уздоўж ракі Буг, якая на доўгім адцінку ідзе па мяжы з Беларуссю.

«На польска-беларускай мяжы ў Люблінскім ваяводстве вядуцца працы па ўзвядзенні электроннай загароды на памежнай рацэ Буг», – піша Семоняк у X.

З яго слоў, усё будзе гатовае да 20 ліпеня, а патрэбна гэта для ўзмацнення бяспекі рубяжоў.

Удакладняецца, што электронная загарода па воднай частцы ўключае блізу 1,8 тысячы мачтаў з камерамі, 4,5 тысячы камер бесперапыннага і цеплавізійнага назірання і спецыяльныя датчыкі, якія могуць выявіць розныя аб'екты.

Дарэчы, да гэтага аналагічную сістэму ўзвялі на водных адцінках у прыграніччы ў Падляшскім ваяводстве.