Лукашэнка надзяліў новую віцэ-прэм'ерку Пяткевіч дадатковымі паўнамоцтвамі

• 22.05.2025, 19:02

Для «абароны інтарэсаў» рэжыму.

Намесніца прэм'ер-міністра Наталля Пяткевіч мае паўнамоцтвы прадстаўніцы ад Беларусі ў Радзе ЕЭК, у пытаннях дзейнасці нашай краіны ў рамках ЕАЭС, а таксама прызначаная нацыянальнай каардынатаркай у пытаннях СНД. Адпаведны ўказ Аляксандр Лукашэнка падпісаў 22 траўня.

Дакумент прыняты ў мэтах «забеспячэння прадстаўніцтва і абароны інтарэсаў краіны ў рамках Еўразійскага эканамічнага звязу і Судружнасці Незалежных Дзяржаваў, рэалізацыі дзяржаўнай палітыкі ў адпаведных сферах».

Нагадаем, пасаду намесніцы прэм'ер-міністра Наталля Пяткевіч заняла 22 траўня. Яна будзе займацца сацыяльнымі пытаннямі.