Сябар Пуціна ўзяў пад кантроль найбуйнейшае ў Расеі радовішча рэдказямельных металаў

• 21.05.2025, 14:11

Яно знаходзіцца на поўначы сібірскага рэгіёну Якуція.

«Раснафта» набыла Томтар, найбуйнейшае на тэрыторыі Расеі радовішча рэдказямельных металаў. Нафтавую кампанію ўзначальвае Ігар Сечын, блізкі да Уладзіміра Пуціна бізнэсовец.

Пра гэта паведамляе Reuters.

Томтар размешчаны на поўначы Сібірскага рэгіёну Якуція. Ён з'яўляецца ключавым праектам у планах Расеі паводле павелічэнні вытворчасці металаў, якія выкарыстоўваюцца ў вайсковай прамысловасці, а таксама ў вытворчасці мабільных тэлефонаў і электрамабіляў, каб знізіць залежнасць ад імпарту з Кітая.

У лістападзе Пуцін абвінаваціў аператара Томтара ў зацягванні распрацоўкі радовішча, прапанаваўшы яму альбо прыцягнуць інвестыцыі, альбо звярнуцца па дапамогу да трэціх асоб, уключаючы дзяржаву.

Да вайны супраць Украіны Расея планавала інвеставаць 1,5 млрд даляраў у рэдказямельныя мінералы, імкнучыся да 2030 года стаць найбуйнейшым вытворцам пасля Кітая.

Іншыя краіны, уключаючы ЗША, таксама спрабуюць абмежаваць сваю залежнасць ад Кітая, які кантралюе 95% сусветнай вытворчасці і паставак рэдказямельных металаў.

Запасы на тэрыторыі Расеі

Са звестак геалагічнай службы ЗША, Расея займае пятае месца ў свеце паводле запасаў рэдказямельных металаў пасля Кітая, Бразіліі, Індыі і Аўстраліі.

USGS ацэньвае запасы Расеі на 3,8 млн тон. Краіна імкнецца ўвайсці ў пяцёрку найбуйнейшых вытворцаў рэдказямельных металаў з дзеллю сусветнага рынку да 12% да 2030 года, згодна са стратэгіяй развіцця сектара.

Бізнэсовец Аляксандр Нэсіс, былы акцыянер кампаніі «Поліметал», буйнога вытворцы золата і срэбра, раней валодаў 75% акцый кампаніі ThreeArc Mining, аператара праекта, праз сваю групу кампаній IST.

Пасля змены ўласніка ў сувязі з пачаткам супраць Украіны і наступнымі заходнімі санкцыямі ў дачыненні да расейскага бізнэсу аператар праекта апынуўся пад кантролем былога мэнэджара IST Уладзіслава Рэсіна, перш чым яго набыла «Раснафта».