Трамп патэлефанаваў Зяленскаму пасля размовы з Пуціным

• 19.05.2025, 21:14

Першыя дэталі размовы прэзідэнтаў.

Прэзідэнт ЗША Дональд Трамп правёў размову з прэзідэнтам Украіны Уладзімірам Зяленскім.

Пра гэта прэзідэнт ЗША Дональд Трамп напісаў у Truth Social.

Са слоў Трампа, пасля размовы з расейскім дыктатарам Уладзімірам Пуціным ён ужо патэлефанаваў Зяленскаму.

На гэтай размове таксама прысутнічалі прэзідэнт Еўрапейскай камісіі Урсула фон дэр Ляен, прэзідэнт Францыі Эмануэль Макрон, прэм'ер-міністр Італіі Джорджыя Мэлані, канцлер Нямеччыны Фрыдрых Мэрц і прэзідэнт Фінляндыі Аляксандр Стуб.

Іншыя дэталі размовы Трампа і Зяленскага пакуль не раскрываюцца.