Трамп: Перамовы паміж Расеяй і Украінай пачнуцца неадкладна

• 19.05.2025, 20:48

Прэзідэнт ЗША пракаментаваў размову з дыктатарам РФ.

Прэзідэнт ЗША Дональд Трамп 18 траўня расказаў у сацсетцы Truth Social пра свае тэлефонныя размовы з прэзідэнтам Украіны Уладзімірам Зяленскім і прэзідэнтам РФ Уладзімірам Пуціным.

Трамп мяркуе, што ягоная размова з Пуціным, якая доўжылася дзве гадзіны, прайшла «вельмі добра».

«Расея і Украіна неадкладна пачнуць перамовы аб спыненні агню і, што яшчэ важней, аб спыненні вайны», – напісаў ён.