Каманда Чэхіі перамагла ў шостым матчы запар на ЧС у хакеі

• 19.05.2025, 20:15

Чэхі ўжо гарантавалі сабе ўдзел у плэй-оф.

Хакеісты каманды Чэхіі атрымалі ўпэўненую перамогу над камандай Нямеччыны ў матчы чэмпіянату свету і вярнуліся на першае месца ў групе.

Гульня групы B у дацкім Хэрнінгу закончылася з лікам 5:0.

Чэхі перамаглі ў шостым матчы запар і ўжо гарантавалі сабе ўдзел у плэй-оф, немцы саступілі ў трэцяй сустрэчу запар і змагаюцца за апошні квіток з камандай Даніі.

У апошнім матчы ў групе 20 траўня чэхі згуляюць з ЗША, а немцы — з данійцамі.

У паралельнай сустрэчы групы А ў Стакгольме каманда Славеніі падолела французаў з лікам 3:1. Славенцы ўпершыню перамаглі на турніры, французы вылецелі з элітнага дывізіёна.