Беларускія кантрабандысты зладзілі «налёт» цыгарэтных метэазондаў на Літву

• 19.05.2025, 11:38

За выходныя затрымана некалькі партый кантарбанды на дзясяткі тысяч еўра.

У нядзелю літоўскія памежнікі, ажыццяўляючы маніторынг мяжы з Беларуссю, у раёне вёскі Ясканяй Друскеніцкага раёна, перахапілі партыю цыгарэт NZ Gold з беларускімі бандэролямі. У ёй было 1180 пачкаў нелегальных цыгарэт, паведамляе Delfi.

Увечары таго ж дня іншая змена друскеніцкіх памежнікаў ля вёскі Швендубрэ ў Друскеніцкім самакіраванні пакінула кантрабандыстаў без чарговага грузу метэазонду - 1240 пачкаў цыгарэт NZ Gold з беларускімі акцызнымі бандэролямі.

Дзве партыі беларускіх цыгарэт NZ Gold з беларускімі бандэролямі, якія прыляцелі на метэазондах, таксама былі перахопленыя ў нядзелю супрацоўнікамі памежнай заставы Капчамесціса Варэнскага памежнага атрада САДМ. У перахопленым грузе каля вёскі Гердашай (Друскеніцкі муніцыпалітэт) было 1500 пачкаў цыгарэт, а каля вёскі Сталай (Лаздзійскі раён) – 1000 пачкаў.

Усяго за два дні памежнікі перашкодзілі кантрабандыстам атрымаць паветраным транспартам 5 415 пачкаў цыгарэт на суму больш за 24 тысячы еўраў.