У Румыніі паліцыя выдаліла з выбарчага ўчастка адыёзнага кандыдата ў прэзідэнты

• 18.05.2025, 13:13

Ультраправы палітык парушыў правілы галасавання.

Румынская паліцыя папрасіла сысці з выбарчага ўчастка ўльтраправага кандыдата ў прэзідэнты Джорджы Сіміёна, якога суправаджаў скандальны палітык Келін Джарджэску.

Пра гэта паведамляе Digi24.

Як пазначана, паліцыянты ўмяшаліся ў сітуацыю, калі Джарджэску разам з Сіміёнам рабілі заяву пра галасаванне журналістам.

Старшыня ўчастку, дзе адбыўся інцыдэнт, звярнуўся да паліцыянтаў з заклікам «папрасіць адпаведных асоб выйсці за межы ўчастка» ў месца, адведзенае для заяваў для прэсы.

У паліцыі ўдакладнілі, што старшыня выбарчага ўчастка абавязаны прыняць неабходныя захады для забеспячэння нармальнага правядзення выбараў.

У правілах гаворыцца, што прадстаўнікі СМІ не могуць браць каментары ўнутры ўчастка.

«Любое парушэнне гэтых правілаў прывядзе да неадкладнага выдалення адпаведных асобаў з тэрыторыі выбарчага ўчастка», – паказана ў правілах.

«Тое, што вы зрабілі, не вельмі прыгожа, але гэта не праблема», – сказаў Сіміён, пасля чаго яны з Джарджэску выйшлі з выбарчага ўчастка.

Як вядома, у Румыніі праходзіць галасаванне ў другім туры выбараў прэзідэнта, у які выйшлі празаходні мэр Бухарэста Нікушор Дан і адыёзны лідар ультраправай партыі AUR Джорджэ Сіміён.