Сікорскі назваў краіну, якая можа паставіць Пуціна на месца

• 17.05.2025, 19:18

Цяпер жа гаспадар Крамля цягне час.

Міністр замежных спраў Польшчы Радаслаў Сікорскі заклікаў Кітай прыкласці намаганні для спынення вайны Расеі супраць Украіны, аказаўшы ціск на РФ з гэтай мэтай, паведамляе Tagesspiegel.

- Краіна, якая магла б пакласці канец вайне і паставіць Пуціна на месца, - гэта Кітай, - заявіў ён.

Са слоў Сікорскага, Расея з'яўляецца "эканамічным васалам Кітая":

- Калі б Кітай прыстрашыў гандлёвым эмбарга, Расея была б вымушаная падпарадкавацца.

На гэты ж момант, як адзначыў польскі міністр, Пуцін цягне час і сур'ёзна настроены падпарадкаваць сабе ўсю Украіну.

- Ён усё яшчэ перакананы, што можа перамагчы, - дадаў Сікорскі.