Сірыя выгнала Расею з порта Тартуса

• 16.05.2025, 17:05

І перадала яго ААЭ.

Управа партоў Сірыі падпісала мемарандум з найбуйнейшым у свеце партовым аператарам DP World (ААЭ), у рамках якога ў развіццё тэрмінала і лагістычных паслуг порта Тартуса будзе інвеставана 800 млн даляраў. Пра гэта паведамляе сірыйская тэлевізія.

Сірыя і кампанія з ААЭ дамовіліся аб супольнай працы для арганізацыі асаблівых эканамічных зон, будаўніцтва тэрміналаў і транзітных вузлоў у рэгіёнах рэспублікі.

Новая дамова была ўкладзеная пасля скасавання пагаднення з Расеяй аб супольным з сірыйскім урадам кіраванні портам.

Сірыйская газета Al Watan у студзені паведамляла, спасылаючыся на дырэктара мытні Тартуса, што новы ўрад краіны ануляваў пагадненне аб кіраванні марскім портам, падпісанае ў 2019 годзе і разлічанае на 49 гадоў.

Порт фактычна не працаваў праз законы, высокіх зборы за партовыя паслугі і тэхнічныя праблемы, расказваў тады дырэктар мытні Тартуса Рыяд Джодзі.