Побач з Анкарой, дзе праходзіць сустрэча Зяленскага і Эрдагана, адбыўся землятрус

• 15.05.2025, 16:33

Аб наступствах пакуль не паведамляецца.

Як паведамляе «Анадолу», у турэцкім горадзе Конья адбыўся землятрус магнітудай 5,2.

Хоць Конья знаходзіцца прыкладна за 200 кіламетраў ад сталіцы Турцыі, штуршкі адчуваліся таксама і ў Анкары.

У Анкары зараз праходзіць сустрэча прэзідэнтаў Турцыі і Украіны Раджэпа Эрдагана і Уладзіміра Зяленскага.

«РБК – Украіна» са спасылкай на сэрвіс AirNav паведамляе, што а 16:30 паводле Менску самалёт украінскага лідара павінен вылецець з турэцкай сталіцы ў Стамбул. Там чакаецца расейская дэлегацыя і, як чакаецца, могуць прайсці перамовы прадстаўнікоў Масквы і Кіева.

Таксама пакуль незразумела, ці адбудуцца перамовы Расеі і Украіны і хто будзе браць у іх удзел з украінскага боку.