РФ панесла значныя страты ва ўзбраенні: статыстыка за тыдзень

• 9.02.2025, 21:59

Байцы УСУ знішчылі сотні адзінак тэхнікі.

За апошні тыдзень, з 2 да 9 лютага, украінскія ўзброеныя сілы нанеслі значную шкоду расейскаму войску ў жывой сіле і тэхніцы. Паводле звестак, апублікаваных украінскім генерал-лейтэнантам Аляксандрам Паўлюком у Telegram, страты акупантаў склалі амаль 8960 вайскоўцаў. Акрамя гэтага, было знішчана больш за 2000 адзінак варожай тэхнікі.

Сярод знішчанай тэхнікі - 84 танкі, 130 баявых браняваных машыны і 306 артылерыйскіх сістэм.

Таксама расейскі бок пазбавіўся 6 рэактыўных сістэм залпавага агню, 6 установак СПА і 10 адзінак спецыяльнай тэхнікі. Страты ў аўтамабільнай тэхніцы склалі 820 адзінак. Акрамя таго, украінскія сілы збілі адзін варожы самалёт і 693 беспілотныя лятальныя апараты, уключаючы ўдарныя дроны.